Almenningur fær að tjá sig um fjársjóðsleitina
Setja bókamerki
Almenningur mun geta tjáð sig um starfsleyfisumsókn bresku fjársjóðsleitarmannanna, að sögn Kristínar Lindu Árnadóttur, forstjóra Umhverfisstofnunnar. Það sé hluti af hefðbundnu umsóknarferli starfsleyfa. Umsóknin hafi verið send til umsagnar og muni hún svo fara í hefðbundið ferli. Starfsleyfið verði ekki veitt innan skamms.
Hópur breskra fjársjóðsleitarmanna sótti um starfsleyfi hjá Umhverfisstofnun til að geta rannsakað þýska flakið Minden sem sökk suður af Íslandi árið 1939. Að þeirra sögn er í flakinu kista sem gæti innihaldið nasistagull að andvirði hundrað milljónir punda eða hátt í fjórtán milljarða króna. Verði umsóknin samþykkt gæti norska rannsóknarskipið Seabed Constructor hafið neðansjávarframkvæmdir við Minden snemma í haust.
Að sögn Kristínar sendi Umhverfisstofnun nýlega umsóknina til ýmissa stofnanna, eins og utanríkisráðuneytisins og Minjastofnunnar, til að veita henni umsögn. Að því loknu muni umsóknin fara í hefðbundið ferli, þar sem almenningur geti meðal annars tjáð sig um málið.
Hún segir að fjársjóðsleitarmennirnir muni ekki fá starfsleyfi innan skamms þar sem svona ferli taki alltaf sinn tíma.
Fundur hafinn hjá kennurum, ríki og sveitarfélögum
Formaðurinn útilokar ekki undirritun í kvöld
Sendi nektarmyndir af dreng sem hann passaði
Ákærður fyrir stunguárás á menningarnótt
Íslensk kona handtekin á Tenerife eftir líkamsárás
Létu lofthræðsluna ekki á sig fá
Falskur fyrirvari á auglýsingum Höllu