Skipverjarnir þrír á bandarísku skútunni sem lentu í vandræðum suðvestur af Íslandi aðfaranótt miðvikudags eru komnir í land. Hafrannsóknarskipið Árni Friðriksson, sem bjargaði þeim úr sjálfheldu, sigldi með þá til Grindavíkur í morgun.

Þetta staðfesti Ingvi Friðriksson, skipstjóri á Árna Friðrikssyni, í samtali við mbl.is. Þegar rannsóknarskipið kom þeim til hjálpar var skútan rafmagnslaus og með brotið mastur, en hún hafði farið á kaf þegar hún fékk á sig brotsjó. Náði hún að rétta sig við og mennirnir komust allir heilir á húfi frá aðstæðunum.

Eru þeir nú í höndum bandaríska sendiráðsins sem aðstoðar þá við næstu skref. 

Tengdar fréttir

Bandarísk skúta í vanda

Fengu viðurkenningu fyrir björgun skútunnar

• „Maður þakkar heillastjörnum sínum“
• TF-SIF tók ekki þátt í leitinni að skútunni
• Með fullan munn af sjó
• Héldu að þeir væru að drukkna

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Björgunaraðgerðir Gunnólfs skipstjóra og háseta hans.