Fjallað um ferjumálið á morgun
Setja bókamerki
Að sögn Jóns Gunnarssonar samgönguráðherra verður fjallað um ferjuna Akranes í samgönguráðuneytinu á morgun. Vestmannaeyjabær kærði nýlega ákvörðun Samgöngustofu um að ferjan fengi ekki leyfi til að sigla á milli land og Eyja. Að mati bæjaryfirvalda var um geðþóttaákvörðun embættismanna að ræða.
Til stóð að hafa ferjuna til taks um verslunarmannahelgina.
Höfnun Samgöngustofu var ástæðulaus að mati bæjaryfirvalda og því kærði Vestmannaeyjabær ákvörðunina og krafðist þess að samgönguráðuneytið léti til sín taka.
Elliði Vignisson, bæjarstjóri í Vestmannaeyjum, sagði í samtali við mbl.is í gær að bærinn ætlaði að fylgja kærunni alla leið. Hann treysti á að samgönguráðherra stigi inn í málið og „vindi ofan af þessari endemis vitleysu Samgöngustofu“.
Að sögn samgönguráðherra hefur erindi bæjaryfirvalda borist til ráðuneytisins og nú verður farið yfir það með formlegum hætti. „Ég mun setjast yfir það á morgun með mínu fólki og skoða málið,“ segir hann.
„Þetta er ljót mynd“
Ekki gerlegt að sakfella eftir lýsingu í ákæru
Svona verður endaspretturinn
Mjótt á munum degi fyrir kosningar
Tíu börn á spítala, þar af tvö á gjörgæslu
Björgunarsveitarmaður á æfingu lést við Tungufljót
Ísrael rýfur öll tengsl við UNRWA
Maðurinn sem lést var íslenskur