Ein stærsta Þjóðhátíð frá upphafi
Setja bókamerki
„Það er búið að ganga frábærlega,“ segir Jónas Guðbjörn Jónsson, talsmaður þjóðhátíðarnefndar í samtali við mbl.is. Mikill mannfjöldi er í Eyjum yfir verslunarmannahelgina og segir Jónas allt stefna í eina stærstu Þjóðhátíð frá upphafi.
„Ég hef ekki fengið staðfestar tölur en það er að minnsta kosti fleira fólk en í fyrra, maður sér það bara,“ segir Jónas. „Svo eigum við von á helling af fólki í viðbót í dag svo þetta verður líklega með þeim stærri.“
Gleði og spenna í fólki
Veðrið hefur leikið við gesti Þjóðhátíðar um helgina og segir Jónas mikla gleði vera í fólki. „Það eru allir hressir, kátir og vinalegir,“ segir hann.
Þá hafi dagskráin gengið snurðulaust fyrir sig, og ekki hafi verið mikið að gera hjá gæslunni. Jóhannes Ólafsson, yfirlögregluþjónn í Vestmannaeyjum, sagði í samtali við mbl.is fyrr í dag að Þjóðhátíð hefði gengið stóráfallalaust fyrir sig.
Jónas segir mikla spennu vera í loftinu fyrir kvöldinu í kvöld, þegar hátíðin nær hámarki. „Brekkusöngurinn með Ingó í fararbroddi er á sínum stað og svo verða blysin kveikt. Það eru allir mjög spenntir,“ segir hann.
„Það er verið að kalla eftir okkur“
Ákæra um embættisbrot lögð fram
Fljúga með dróna yfir Ölfusá í dag
Fundurinn hófst með söng: „Við stöndum þétt saman“
Vilja niðurfellingu opinberra gjalda