Umferð til borgarinnar er mjög þétt og á að líkindum eftir að aukast frekar nú seinni partinn samkvæmt upplýsingum frá umferðardeild lögreglunnar á höfuðborgarsvæðinu. Umferð hefur þó gengið vel í umdæminu og hafa ekki orðið nein umferðaróhöpp það sem af er degi.

Þá hefur enginn verið tekinn fyrir ölvunarakstur í umdæminu í dag en nokkrir hafa verið stöðvaðir fyrir of hraðan akstur.

„Við erum búnir að vera duglegir að mæla og kanna með ökumenn,“ segir Hannes Guðmundsson hjá umferðardeild lögreglunnar í samtali við mbl.is. Ekki hafa myndast neinar umferðarteppur á leið til borgarinnar þó að umferð sé þétt bæði um Suðurlands- og Vesturlandsveg.

„Þegar umferðin er svona þétt er líka ekki mikið svigrúm til þess að vera í framúrakstri, það er kannski það jákvæða við þétta umferð,“ bætir Hannes við. Þolinmæði og tillitssemi séu númer eitt, tvö og þrjú í umferðinni svo allir komist heilir heim.

Tengdar fréttir

Verslunarmannahelgin 2017

Átta kynferðisbrot verið tilkynnt

• Fréttir af ólátum „orðum auknar“
• Þrjú kynferðisbrot í Eyjum
• Umferð jókst mest á Norður- og Austurlandi
• Tilraun sem tókst ótrúlega vel

» Fleiri tengdar fréttir

• Blogga um frétt