Strætó tekur þátt í Gleðigöngunni
Setja bókamerki
Strætó verður þátttakandi í Gleðigöngu Hinsegin daga í ár í fyrsta sinn. Í tilefni þess var útbúinn heilmerktur regnbogastrætisvagn með einkunnarorðunum „Besta leiðin er að fara sínar eigin leiðir“.
Vagninn hefur ekið á götum höfuðborgarsvæðisins og hefur hann vakið mikla athygli, að því er kemur fram í tilkynningu.
Heiða Björg Hilmisdóttir, stjórnarformaður Strætó, segist vera afar stolt af vagninum og hún fagnar því að Strætó skuli vera hluti af Hinsegin dögum.
„Við hjá Strætó fögnum fjölbreytileikanum í samfélaginu og ég er stolt af því að við sýnum það í verki með þátttöku í Hinsegin dögum. Við styðjum baráttu hinsegin fólks fyrir sjálfsögðum mannréttindum og gleðjumst með þeim og landsmönnum öllum yfir áunnum sigrum“ segir Heiða í tilkynningunni, en hún mun ganga við hlið strætisvagnsins í Gleðigöngunni á morgun.
Talið að flugeldum hafi verið skotið á svalirnar
Ekkert lát á árekstrum
Harðákveðinn í að setjast ekki í helgan stein
„Þetta kemur á óvart“
„Þetta verður ekki spennandi seinni partinn“
Íslenskur læknir: „Hrikalegt að þetta sé hægt“