Mikill fjöldi fylgist með Gleðigöngunni
Setja bókamerki
Mikill fjöldi er nú samankominn í miðbæ Reykjavíkur til að fylgjast með og taka þátt í Gleðigöngunni, sem er hápunktur Hinsegin daga. Gangan fór af stað klukkan 14 en í henni eru um 35 atriði.
Páll Óskar Hjálmtýsson, sem ávallt hefur verið með stærsta og skrautlegasta atriði göngunnar, er fjarri góðu gamni. Það hefur þó ekki komið að sök, enda gangan með glæsilegasta móti.
Gengið er frá Hverfisgötu og niður í Hljómskálagarð þar sem búið er að setja upp litríkt hátíðarsvið. Þar munu meðal annars koma fram:Hinsegin kórinn og KK auk þess sem Daníel Arnarsson, framkvæmdastjóri Samtakanna ´78, mun taka lag Hinsegin daga í ár sem ber titilinn Litir regnbogans og er samið af þeim Örlygi Smári, Michael James Down og Primoz Poglajen.
Gleðigangan er einn fjölmennasti viðburðurinn sem haldinn í Reykjavík, en undanfarin ár er talið að á bilinu 70-90 þúsund manns hafi lagt leið sína í miðborgina og tekið þátt í göngunni.
Stormur á Þorláksmessu en víðast hvar stefnir í hvít jól
Helgi Magnús mætir til starfa í dag
Beint: Gengið á fund forseta
„Mér finnst gamla Samfylkingin komin aftur“
Bein útsending: Ríkisstjórnarsamstarfið kynnt
Nágrannaþjóðir upplýstar en við vöðum í blindni
Kristrún Frostadóttir verður forsætisráðherra
