Allir þeir sem veiktust af nóróveiru á útilífsmiðstöð skáta á Úlfljótsvatni hafa nú verið útskrifaðir af fjöldahjálparstöðinni í Hveragerði og henni verið lokað. Þar er nú unnið að sótthreinsun og standa vonir til að þeirri vinnu ljúki eigi síðar en á morgun.

Þetta kemur fram í tilkynningu frá lögreglunni á Suðurlandi. Segir þar að fulltrúar viðbragðsaðila hafi fundað í Hveragerði klukkan 10 og muni nú taka saman greinargerð um aðkomu síns fólks og aðgerðir, sem farið verði yfir á fundi í byrjun september. 

„Lögreglan á Suðurlandi og umdæmislæknir sóttvarna í héraði vilja þakka viðbragðsaðilum öllum frábæra og óeigingjarna vinnu við þetta stóra verkefni.“

Tengdar fréttir

Skátar fluttir í fjöldahjálparmiðstöð

Opið á Úlfljótsvatni

• Gestur bar veiruna með sér
• Síðustu skátarnir á leið heim
• Tíu með nóró-veiruna á Úlfljótsvatni
• Þrifum á Grunnskólanum í Hveragerði lokið

» Fleiri tengdar fréttir

• Blogga um frétt