Slökktu á ofninum eftir málmlekann
Setja bókamerki
„Það var enginn eldur, ekki einu sinni blossi. Það kom málmskot úr ofninum og fór á gólfið,“ segir Kristleifur Andrésson, upplýsingafulltrúi United Silicon.
Greint var frá því heitur kísilmálmur hefði lekið niður á gólf í kísilveri United Silcon þegar ker sem verið var að fylla á yfirfylltist.
„Það sem skiptir máli er að enginn hlaut skaða og starfsmenn brugðust hárrétt við. Nú er verið að bíða þangað til málmurinn kólnar og þá getum við skoðað framhaldið,“ segir Kristleifur, spurður um áhrif á starfsemi verksmiðjunnar.
Samkvæmt verkferlum var slökkt á ofninum, svæðið rýmt og kallað á slökkvilið þegar upp komst um lekann. Kristleifur segir að líklega sé tjónið minni háttar og aðallega á gólfinu. Ofninn verði aftur ræstur þegar búið er að fara yfir málið.
Engin formleg ákvörðun tekin
Fyrr í vikunni var greint frá því að Umhverfisstofnun hafi tilkynnt United Silcon að hún muni stöðva rekstur kísilverksmiðjunnar, komi til þess að slökkt verði á ofni verksmiðjunnar lengur en í klukkustund eða ef afl hans fer undir tíu megavött.
Spurð hvaða afleiðingar atvikið í verksmiðjunni í dag gæti haft segir Sigrún Ágústsdóttir, sviðsstjóri hjá Umhverfisstofnun, að United Silicon hafi andmælafrest til miðvikudags og engin formleg ákvörðun hafi verið tekin.
Nýtt fangelsi í landi Stóra-Hrauns tilbúið 2028
Sjötti ferðamaðurinn er látinn
Sólveig Anna furðar sig á aðferðum kennara
Hraun kemur úr þremur gígum: Virknin stöðug
Vika í kosningar: Þetta segja kannanir
Þarf að koma til móts við ólíkar þarfir lækna
Rússar sagðir útvega N-Kóreu milljón olíutunnur