Björgólfur og Gunnar sýknaðir í París

Björgólfur Guðmundsson, fyrrverandi aðaleigandi og stjórnarformaður í Landsbankanum, og Gunnar Thoroddssen, fyrrverandi yfirmaður Landsbankans í Lúxemborg, voru í dag sýknaðir fyrir dómi í París af ákæru um meintar blekkingar vegna veðlána sem bankinn veitti.

Rúv greinir frá niðurstöðunni, en fréttamaður frá Rúv er á staðnum.  

Í mál­inu var tek­ist á um hvort Lands­bank­inn í Lúx­em­borg hafi blekkt viðskipta­vini sína sem bank­inn veitti eins kon­ar lausa­fjár­lán með veði í fast­eign­um. Var hug­mynd­in að viðskipta­vin­ur­inn fengi hluta af verðmæti veðsins út­greitt en bank­inn fjár­festi fyr­ir af­gang­inn af veðinu þannig að lánþeg­inn þyrfti í raun ekki að borga lánið sjálf­ur til baka.

Flestir sem lögðu verðmæti að veði fyrir lánunum voru ellilífeyrisþegar. Í frétt Rúv kemur fram lögfræðingar sem komu að málinu fyrir lántaka ætli að vinna að áfrýjun. 

„Það stenst ekki að lántakendurnir hafi verið fórnarlömb svika þegar þeir veðsettu eignir sínar hjá Landsbankanum í Lúxemborg,“ segir í dómsuppkvaðningu Parísardómstólsins en greint er frá henni á lúxemborgíska fréttavefnum Le Quotidien.

Þar kemur fram að gjaldþrot Landsbankans í Lúxemborg hafi verið háð „óvissu í efnahagslífinu“. Lántakendurnir hafi verið meðvitaður um áhættuna með því að samþykkja lánin og fengu þannig fjármagn sem aðrir bankar höfðu neitað þeim um. 

Frétt mbl.is: Dómur í máli Björgólfs kveðinn upp í dag

• Blogga um frétt