Velferðarráðuneytið hefur samið við Landssamtökin Þroskahjálp um að hafa umsjón með því að fyrrverandi vistmönnum á Kópavogshæli og aðstandendum þeirra verði boðin sálfræðiþjónusta. Aðstoðin er veitt þeim að kostnaðarlausu og getur numið allt að 8 samtölum við sálfræðing. Þetta kemur fram í tilkynningu. 

Samið hefur verið við Andrés Ragnarsson og Jóhann Thoroddsen hjá Sálfræðingum Höfðabakka um að annast þjónustuna en óski fólk eftir því að nota aðra sálfræðinga er það heimilt.   

Landssamtökin Þroskahjálp hvetja alla þá sem dvöldu á Kópavogshæli og aðstandendur þeirra að notfæra sér þá aðstoð sem þeim stendur til boða. 

Viðkomandi geta haft samband við Sálfræðinga Höfðabakka með því að hringja í 527-7600 eða senda póst á ritari@shb9.is og láta vita af því að beiðnin sé í gegnum Landssamtökin Þroskahjálp eða haft samband við Landssamtökin Þroskahjálp í síma 588-9390,  tölvupóstur fridrik@throskahjalp.is.

Tengdar fréttir

Skýrsla um vistun barna á Kópavogshæli

Svíður að málið sé ekki klárað

• „Átti mínar erfiðu stundir“
• Óttuðust viðbrögð samfélagsins
• „Urðu ekki aðeins fyrir andlegum skaða“
• 3 milljarðar til 1.200 einstaklinga

» Fleiri tengdar fréttir

• Blogga um frétt