Benedikt Jóhannesson fjármálaráðherra kynnti fjárlagafrumvarp 2018 í gær en þar er gert ráð fyrir 44 milljarða afgangi. Nemur afgangurinn 3,8% af vergri landsframleiðslu. Fyrirhugaðar eru nokkrar skattahækkanir, m.a. verður olíu- og bensíngjald hækkað.

Þannig hækkar bensínlítrinn um 8 krónur og lítrinn af díselolíu um 18 krónur. Runólfur Ólafsson, framkvæmdastjóri FÍB, segir þetta um 42 þúsund króna útgjaldahækkun í rekstri díselbíls fjölskyldu á einu ári og talar um „aðför að heimilisbílnum“.

Sigurður Ingi Jóhannsson, formaður Framsóknarflokksins, segir hækkunina koma verst niður á þeim einstaklingum sem aka þurfi langar vegalengdir vegna búsetu sinnar. „Ungt fólk hefur verið að flýja hátt fasteignaverð höfuðborgarsvæðisins. Rafbíllinn er enn sem komið er ekki valkostur fyrir þetta fólk. Þetta er skattahækkun á það fólk.“

Fjárlagafrumvarp 2018

• Áætlaður er 44 milljarða króna afgangur af fjárlögum.
• Áætlað er að veiðigjöld verði nálægt 10 milljörðum.
• Lífeyrisskuldbindingar ríkissjóðs nema 577 milljörðum.
• Framlag til vaxtabóta lækkar.

Tengdar fréttir

Fjárlagafrumvarp 2018

Vegabréfsáritanir stóraukast á Indlandi

• Leiðir til að lyfta fólki upp úr fátækt
• Léttvínskassinn hækkar um 500 krónur
• Mælti með hóflegum auðlegðarskatti
• FA segir jöfnun gjalda yfirvarp

» Fleiri tengdar fréttir