Nýnasistar með íslenskt lén

Nýnasíska frétta- og athugasemdavefsíðan The Daily Stormer skráði lén sitt á Íslandi í lok ágúst. Vefsíðan er vettvangur bandarískra nýnasista, en síðan hefur átt í vandræðum með að fá lén síðan .com léninu þeirra var lokað.

Samkvæmt fréttastofu Newsweek var bandarísku léni Daily Stormer lokað í kjölfar færslu þar sem hæðst var að Heather Heyer sem lést í átökum þjóðernissinna og mótmælenda í Charlottesville í ágúst.

Frétt af mbl.is

Neyðarástandi lýst yfir í Virginíu

Síðan bandaríska léninu var lokað hefur Daily Stormer meðal annars skráð rússneskt og albanískt lén, en þeim var báðum lokað í kjölfarið.

Skráningarskirteini Daily Stormer er enn til hjá íslensku lénaskráningunni en vefsíðan dailystormer.is er þó ekki aðgengileg á þessari stundu.

• Blogga um frétt