Búið er að opna veginn um Hólmsá á Mýrum vestan Hafnar. Vegagerðarmenn hafa unnið hörðum höndum í allan dag til að hægt væri að opna hringveginn um Hólmsá.

„Við erum að opna veginn núna,“ segir Reynir Gunnarsson, verkstjóri Vegagerðarinnar á Höfn í Hornafirði, í samtali við mbl.is. Hann segir veginn færan þó allri vinnu í tengslum við hann sé ekki lokið.

Reynir segir veðrið vera að skána og aðeins hafi minnkað í vötnum. Ekki var hægt að meta ástand brú­ar­inn­ar yfir Steinavötn í dag, vegna þess hve mikið vatn er í ánni í kjöl­far mik­illa rign­inga í nótt. Vega­gerðin seg­ir í til­kynn­ingu að reiknað er með að ástandið verði metið á morg­un og að því loknu er mögu­legt að um­ferð gang­andi fólks verði leyft yfir brúna.

„Það var ansi mikið við Steinavötn en vonandi verður eitthvað minna í fyrramálið,“ segir Reynir.

Tengdar fréttir

Miklir vatnavextir á Suðausturlandi

317 milljónir vegna flóða

• Mesta tjónið á sauðfé varð í aurskriðu
• Nýja brúin opnuð
• Brúarsmíði langt komin við Steinavötn
• Ný brú í vikulokin

» Fleiri tengdar fréttir

• Blogga um frétt