Jon Henley, blaðamaður The Guardian, segist í samtali við mbl.is ekki hafa heyrt af því að farið hafi verið fram á lögbann á fréttaflutning fjölmiðilsins í Bretlandi upp úr gögnum gamla Glitnis.

Sýslumaðurinn á höfuðborgarsvæðinu setti í gærkvöldi lögbann á Reykjavík Media og Stundina, sem fjallað hafa með ítarlegum hætti um gögn sem varða viðskipti Bjarna Benediktssonar, þá þingmanns, og fjölskyldu hans fyrir hrun. Umfjöllunin hefur verið unnið með The Guardian, sem einnig hefur birt fréttir upp úr gögnunum.

Jon segist hafa heyrt af málinu í gærkvöldi og lesið fréttaflutning af þeirri stöðu sem uppi er á Íslandi. „En ég hef ekkert heyrt um aðgerðir sem þessar gegn The Guardian,“ segir hann við mbl.is. Hann segist ekki vera í aðstöðu til að veita viðbrögð við fréttunum fyrir hönd fjölmiðilsins.

Í lögbannsbeiðninni sem Glitnir HoldCo ehf. lagði fram í gær kemur fram að lögmenn félagsins á Englandi séu að „skoða réttarstöðu gerðarbeiðanda gagnvart Guardian samkvæmt enskum lögum“.

Tengdar fréttir

Panamaskjölin

Ramon Fonseca látinn

• Fyrrverandi forsetar Panama ákærðir
• Sýkna yfir Sjólaskipssystrum stendur
• Mál Sjó­la­skipa­systkina send aftur í hérað
• Alþjóðleg handtökuskipun gefin út

» Fleiri tengdar fréttir

Lögbann á Glitnisskjöl

Breyting á lögum um lögbann á fjölmiðlaumfjöllun

• Dómurinn tjáningarfrelsinu í vil
• Glitnir tapaði í Hæstarétti
• „Rússneskur Pútínblær“ hjá Glitni
• „Fjölmiðlar verði ósnertanlegir“

» Fleiri tengdar fréttir

• 1 blogg um fréttina

Bloggað um fréttina

• G. Tómas Gunnarsson: Lögbann virkar sjaldnast vel fyrir þann sem óskar eftir því