Jarðfræðingurinn Sigurjón Valgeir Hafsteinsson, sem er yfir neyðarvörnum hjá Rauða krossinum á Suðurlandi, varð vel var við jarðskjálftana nú í kvöld.

„Við sátum og vorum að horfa á sjónvarpið,“ segir Sigurjón sem er búsettur á Selfossi. „Við urðum vör við skjálftann sem varð 20:40 sem mældist 2,9. Síðan komu þessir tveir skjálftar rétt fyrir tíu með nokkurra sekúndna millibili. Annar var 2,4 og sá seinni var 3,6. Þá drundi í öllu og hristist allt og það hrundi hér úr hillum og brotnaði aðeins.“

Frétt af mbl.is

Jörð skelfur við Selfoss

Spurður hvort skjálftinn hafi vakið ótta hjá mönnum, segir hann: „Fólki bregður auðvitað við og aumingja hundurinn er skíthræddur.“

Sigurjón Valgeir Hafsteinsson er búinn að fara um húsið og taka niður af veggjum og úr hillum fari svo að stærri skjálfta verði vart. Ljósmynd/Facebook

Sigurjón kveðst annars vera búinn að vera með tölvuna í fanginu í allt kvöld til að fylgjast með skjálftahrinunni, enda hafi hann gaman af að finna fyrir jarðskjálftum og muni því fylgjast vel með áfram. Hann segir það heldur ekki koma sér á óvart þó að það héldi áfram að hristast í kvöld og nótt.

„Við erum búin að fara um húsið og taka niður af veggjum og úr hillum til að reyna að tryggja það sem getur farið á stað ef það kemur stærri skjálfti.“

Skjálfta­hrin­an er ekki á gossvæði, að sögn nátt­úru­vár­sér­fræðings hjá Veður­stofu Íslands, heldur er hún á Suður­lands­skjálfta­belt­inu. Sama belti og hrökk þegar stóru skjálft­arn­ir 2008 komu.

Tengdar fréttir

Skjálftar á Suðurlandi 2017

Ekki hægt að útiloka stærri skjálfta

• Skjálftinn mun stærri en talið var
• Áframhaldandi titringur á Suðurlandi
• Jörð skelfur við Selfoss

• Blogga um frétt