Tónlistarhátíðin Iceland Airwaves hófst í kvöld með tónleikum af ýmsum toga. Ljósmyndarar mbl.is fönguðu stemninguna á tónleikum Alvia Islandia, Ciber, Púlsvídd og fleiri flytjenda sem voru haldnir í borginni.

Talið er að um 7.500 manns hafi keypt sér miða á Iceland Airwaves, þar af margir erlendir gestir.

Hátíðin verður einnig haldin á Akureyri og þar hefjast leikar á morgun.

Á meðal þekktustu erlendu flytjendanna sem stíga á svið á Airwaves eru Fleet Foxes, Mumford and Sons, Michael Kiwanuka og Billy Bragg.

Megas, Maus og Mammút verða á meðal íslenskra flytjenda.