„Ég hugsa að þetta verði kannski viðurkennt einhvern tímann en það verður sennilega eftir minn dag,“ segir Páll Bergþórsson veðurfræðingur.
Páll hefur fjallað mikið um fornsögurnar og landafundi norrænna manna í Vesturheimi, til að mynda í bókinni Vínlandsgátunni.
Í umfjöllun um mál þetta í Morgunblaðinu í dag kveðst hann nú sannfærður um að Ari fróði hafi samið Eiríks sögu rauða. Það hafi Ari gert í samvinnu við Þorlák biskup í Skálholti.