Skólahald fellt niður á Akureyri
Setja bókamerki
Ákveðið hefur verið að fella niður allt skólahald í leik- og grunnskólum á Akureyri.
Mikið hvassviðri og ofankoma er nú á Akureyri og ákváðu bæjaryfirvöld þetta í samráði við lögregluna á Norðurlandi eystra.
Í tilkynningu á facebooksíðu Akureyrarbæjar kemur fram að vakt og viðvera verði í öllum leik- og grunnskólum til að taka á móti þeim börnum sem þangað kynnu að koma.
Verkmenntaskóli Akureyrar og Menntaskólinn á Akureyri hafa einnig fellt niður skólahald.
Í samtali við mbl.is segir lögreglan að færðin sé misjöfn í bænum. Í hverfunum er hún verri en á aðalgötunum og er erfitt að komast um á fólksbílum í hverfunum.
Ákveðið var að halda fólki heima svo það myndi ekki fara út og festa bílana sína.
Á facebooksíðu lögreglunnar eru bæjarbúar hvattir til að vera ekki á ferðinni að nauðsynjalausu.
Fyrsta strætóferðin á Akureyri lagði ekki af stað fyrr en klukkan 8.20 í morgun vegna færðarinnar.
Koma fyrstu tölur á sunnudagskvöldið?
Ekki hægt að slá gosið út af borðinu strax
Auka aðgengi að Grindavík
Fundur hafinn hjá kennurum, ríki og sveitarfélögum
Létu lofthræðsluna ekki á sig fá
Formaðurinn útilokar ekki undirritun í kvöld
Heimildarmenn tala um hápólitískt drama