Skoða aðrar leiðir til gjaldtöku
Setja bókamerki
Áform um tilfærslu ferðaþjónustutengdrar starfsemi úr neðra þrepi virðisaukaskatts í almenna þrepið, sem voru kynnt í fjármálaáætluninni verða lögð til hliðar, samkvæmt nýjum fjárlögum.
Sú breyting lækkar tekjuáætlun ríkissjóðs fyrir árið 2018 frá því sem var í fjármálaáætlun um tæpa níu milljarða króna.
Með þessu er komið til móts við þá gagnrýni ferðaþjónustuaðila að kerfisbreytingin hafi íþyngjandi áhrif á afkomu greinarinnar í heild sem farið hafi versnandi, meðal annars vegna styrkingar krónunnar og launahækkana.
Skoða komu- og brottfarargjald
Þess í stað verða aðrar leiðir til gjaldtöku skoðaðar í samráði við hagsmunaaðila, m.a. álagning komu- eða brottfarargjalds en engin ákvörðun er tekin varðandi útfærslu á því í fjárlagafrumvarpinu.
Áhrif vegna hækkunar gistináttaskatts úr 100 krónum í 300 krónur, sem kom til framkvæmda 1. september 2017, koma að fullu fram á næsta ári. Samkvæmt stjórnarsáttmála ríkisstjórnarinnar verður skoðað hvort færa eigi gjaldið til sveitafélaga, en ekki er gert ráð fyrir breytingum af því tagi í þessu fjárlagafrumvarpi.
Bjarni: „Útilokað að þetta geti gengið upp“
Telur sér ekki heimilt að úthluta Helga verkefni
Lyklaskipti í ráðuneytunum
„Hagræðingarmál eru í fyrsta sæti“
Segir að verið sé að svindla á Bandaríkjunum
Fyrsti blaðamannafundurinn í heild sinni
Ellefu skjálftar síðasta sólarhringinn