Katrín Jakobsdóttir forsætisráðherra sagði í stefnuræðu sinni á Alþingi í gærkvöld að ríkisstjórnin myndi kappkosta að skila betra búi en hún tók við í heilbrigðisþjónustu, löggæslu, húsnæðismálum, samgöngum og fleiri innviðum.

Sagði Katrín að ríkisstjórnin legði áherslu á að draga úr greiðsluþátttöku sjúklinga, bæta geðheilbrigðisþjónustu og forvarnir og byggja upp hjúkrunarrými. Hún boðaði stórsókn í menntamálum og sagði að fjárframlög til háskóla myndu ná meðaltali OECD-ríkjanna árið 2020 og stefnt yrði á að þau næðu meðaltali Norðurlanda fyrir árið 2025. Iðnnám, verk- og starfsnám yrði eflt og rekstur framhaldsskólanna styrktur.

Katrín ræddi um ríkisstjórnarsamstarfið og málamiðlanir flokkanna. „Markmið þessarar ríkisstjórnar er fyrst og fremst að koma til móts við ákall almennings um að sú hagsæld sem hér hefur verið á undanförnum árum skili sér í ríkari mæli til samfélagsins,“ sagði hún í ræðunni sem um er fjallað í Morgunblaðinu í dag.

Tengdar fréttir

Ný ríkisstjórn 2017

Konur meirihluti aðstoðarmanna

• Sigurður Ingi með tvo aðstoðarmenn
• Ýmis mál tekin fyrir á þingfundi í dag
• Vísar kæru á Loga frá
• Enn vanti nokkuð upp á

» Fleiri tengdar fréttir