Helgi Gunnlaugsson afbrotafræðingur segir það mikla magn fjár og fíkniefna sem lögreglan á Íslandi lagði hald á við handtöku á þremur Pólverjum sem grunaðir eru um stórfelldan fíkniefnainnflutning og peningaþvætti sýna hversu stór fíkniefnamarkaðurinn er orðinn hér á landi.

„Þetta gefur til kynna að neyslan sé orðin mjög mikil hér á landi. Þessi efni virðast eiga sér fótfestu hérna og það virðist vera talsverð eftirspurn eftir þeim – kannski meiri en maður gerði sér grein fyrir áður,“ segir Helgi í samtali við Morgunblaðið.

Hann bendir á að málið sýni að ekki sé lengur einungis um einhvers konar jaðarhópa að ræða heldur gefi magnið til kynna að efnin séu einnig notuð af hinum „venjulega borgara“. „Neyslan er umfangsmikil, ekki eingöngu meðal þessara jaðarhópa heldur er hún einnig að ná inn í raðir hins venjulega borgara. Neysla fíkniefna er því orðin hluti af vímuefnaflórunni í skemmtanalífi fólks hér á landi,“ segir hann í umfjöllun um mál þetta í Morgunblaðinu í dag.

Tengdar fréttir

Skýrsla greiningardeildar ríkislögreglustjóra 2017

Ráðherrar bregðast við ógn

• Leiðtogi sent tugi milljóna úr landi
• Laus úr varðhaldi en er í farbanni
• Einn áfram í gæsluvarðhaldi
• Úrskurðaðir í þriggja vikna einangrun

» Fleiri tengdar fréttir