Átta metnir hæfastir til héraðsdómara
Setja bókamerki
Dómnefnd um dómstóla hefur skilað umsögn sinni um umsækjendur um átta embætti héraðsdómara sem auglýst voru til umsóknar í september, en alls barst 41 umsókn.
Guðlaugur Þór Þórðarson, settur dómsmálaráðherra við skipun átta héraðsdómara, hefur sent dómnefndinni bréf þar sem hann óskar eftir frekari rökstuðningi um mat á hæfi umsækjenda. Í bréfinu koma fram athugasemdir setts ráðherra um umsögnina í tíu liðum. Bréfið hefur verið birt á vefsíðu dómsmálaráðuneytisins og það má lesa í heild sinni hér.
Umsögn dómnefndarinnar er sú að Arnar Þór Jónsson, Ásgerður Ragnarsdóttir, Ástráður Haraldsson, Daði Kristjánsson, Helgi Sigurðsson og Ingiríður Lúðvíksdóttir séu hæfust til þess að verða skipuð í sex embætti dómara með fast sæti við Héraðsdóm Reykjavíkur.
Þá telur nefndin Pétur Dam Leifsson hæfastan til þess að verða skipaður í embætti með starfsstöð við Héraðsdóm Reykjavíkur en sinna störfum við alla héraðsdómstólana. Bergþóra Ingólfsdóttir þykir nefndinni hæfust til að verða skipuð í eitt embætti dómara sem mun hafa starfsstöð við Héraðsdóm Vestfjarða en sinna störfum við alla héraðsdómstólana eftir ákvörðun dómstólaráðs og jafnframt vera dómstjóri við Héraðsdóm Vestfjarða.
Dómsmálaráðherra vék úr sæti í málinu
Sigríður Á. Andersen dómsmálaráðherra ákvað að víkja sæti í málinu vegna umsóknar Ástráðs Haraldssonar hæstaréttarlögmanns. Hún taldi fyrir hendi aðstæður sem væru til þess fallnar að umsækjendur gætu dregið óhlutdrægni hennar í efa.
Hún óskaði eftir því við forsætisráðherra að öðrum ráðherra í ríkisstjórn yrði falin meðferð málsins og var Guðlaugur Þór því settur sem dómsmálaráðherra í málinu og sér því um skipan dómaranna.
Rannsókn á menningarnæturmáli lokið
Falskur fyrirvari á auglýsingum Höllu
Fundur hafinn hjá kennurum, ríki og sveitarfélögum
Hvatti kjósendur til þess að greiða ógild atkvæði
Heimildarmenn tala um hápólitískt drama
Börnin eiga að ýta við foreldrum sínum
Auka aðgengi að Grindavík