Hátt í 40 hestakerrur eru komnar í Samskipahöllina vegna óveðurs. „Fólk er enn að koma með kerrur og verður eflaust eitthvað áfram,“ segir Magnús Benediktsson, framkvæmdastjóri hestamannafélagsins Spretts. Þetta er ekki í fyrsta skipti sem gripið er til þessara ráðstafana vegna veðurs. 

„Glærasvell er á stæðinu sem kerrurnar standa á. Það þarf ekki mikið svo þær fari á fleygiferð í svona veðri,“ segir Magnús og tekur fram að það sé mikill munur að vera með hús sem hægt er að nýta í þetta þegar svona viðrar.  

Önnur hestamannafélög á höfuðborgarsvæðinu bjóða einnig eigendum hestakerra að hýsa þær á meðan versta veðrið gengur yfir.

Tengdar fréttir

Óveður 11. janúar 2018

Hellisheiði og Þrengsli ófær

• Hvassviðrið færir sig austur yfir landið
• Hætta á grjóthruni á Austfjörðum
• Björgunarsveitir sinntu 23 verkefnum
• Veðrið náð hámarki suðvestanlands

» Fleiri tengdar fréttir

• Blogga um frétt