Búist er við að á annað hundrað björgunarsveitarmenn muni taka þátt í að leita að Ríkharði Péturssyni í og við Selfoss í dag, en ekkert hefur spurst til hans frá því hann fór frá heimili sínu að síðdegis á þriðjudag. Að sögn Slysavarnafélagsins Landsbjargar hófst leit í birtingu á nýjan leik í morgun. 

Um 100 manns frá björgunarsveitum á höfuðborgarsvæðinu, Suðurlandi og allt austur að Kirkjubæjarklaustri, eru nú þegar komin á staðinn. Leitarhópar munu m.a. notast við dróna og hunda. 

Frétt af mbl.is

Leitin að Ríkharði bar ekki árangur

Aðstæður til leitar eru góðar. Einhverjar vísbendingar hafa fundist en ekkert sem hægt er að staðfesta að svo stöddu.

Ríkharður Pétursson er fæddur árið 1969 og er tæplega fimmtugur. Ljósmynd/Aðsend

Ríkharður, sem er meðalmaður á hæð, grannvaxinn, fór frá heimili sínu að Eyrarvegi 46 á Selfossi um kl. 16 á þriðjudag en ekki er vitað um ferðir hans eftir það. Hann var þá klæddur í svartar buxur, svarta úlpu og svarta húfu með gulri áletrun (MAX).

Þeir sem geta gefið upplýsingar um ferðir Ríkharðs eftir kl. 16 síðastliðinn þriðjudag eru beðnir að hafa samband við lögregluna á Suðurlandi í síma 4442000, 112 eða á einkaskilaboðum á Facebook.

Tengdar fréttir

Ríkharðs Péturssonar leitað

Talið að Ríkharður hafi farið í ána

• Ríkharður enn ófundinn
• Leita að Ríkharði við Ölfusá
• Leitinni að Ríkharði hætt í dag
• Enn ekkert spurst til Ríkharðs

» Fleiri tengdar fréttir

• Blogga um frétt