Verkalýðsfélögin verða að standa saman
Setja bókamerki
„Það stefnir í að við getum boðið fram lista,“ segir Sólveig Anna Jónsdóttir formannsefni lista sem verður boðinn fram í stjórnarkjöri stéttarfélagsins Eflingar. Sjö einstaklingar skipa listann en eftir nokkra mánuði verða kosnir jafn margir í nýja stjórn Eflingar á aðalfundi. Stjórnina skipa 15 manns.
„Við munum leggja áherslu á bætt lífskjör verkafólks. Við lítum svo á að hér er ekki hægt að lifa ef þú tilheyrir láglauna stétt verkafólks. Við höfum ekki lengur efni á að taka þátt í því sem telst eðlilegt líf. Ef við ætlum að reka heimili þurfum við að vinna oft í fleiri en einni vinnu,“ segir Sólveig Anna. Hún kynnti áherslur listans á baráttu- og samstöðufundi í dag sem nefnist: Vor í Verkó. Endurreisum verkalýðshreyfinguna undir nýrri forystu!
Eitt af áherslumálum þeirra eru húsnæðismálin og leigumarkaðurinn. „Ástandið er orðið mjög alvarlegt og við verðum að finna aðrar lausnir en trylltan leigumarkað sem enginn ræður við,“ segir hún.
Verkalýðsfélögin verði að standa saman
„Ég held að hann sé góður og mikill stuðningsmaður okkar. Hann hefur blásið okkur eldmóð í brjóst,“ segir hún spurð hvort framboðið njóti stuðnings Ragnars Þórs Ingólfssonar, formanns VR, sem var einn af ræðumönnum fundarins í dag.
Í þessu samhengi bendir hún á að til þess að þau nái fram kröfum sínum verða „verkalýðsfélögin að standa saman í þessari miklu baráttu sem verður að há til þess að almenningur og verkafólk á Íslandi geti unnt hag sínum vel,“ segir Sólveig Anna.
Listinn er skipaður eftirfarandi einstaklingum:
Formaður: Sólveig Anna Jónsdóttir, starfsmaður leikskólans Nóaborg, Reykjavíkurborg.
Gjaldkeri: Magdalena Kwiatkowska, starfsmaður Cafe Paris
Aðalgeir Björnsson, tækjastjóri Eimskips Sundahöfn
Anna Marta Marjankowska, starfsmaður Náttúru þrif
Daníel Örn Arnarsson, starfsmaður Kerfis fyrirtækjaþjónustu.
Guðmundur Jónatan Baldursson, bílstjóri Snæland Grímsson.
Jamie Mcquilkin, starfsmaður Resource International ehf.
Kolbrún Valvesdóttir, starfsmaður Búsetuþjónust Reykjavíkurborgar
Ekkert ferðaveður og vegalokanir á jóladag
Í vinnunni á aðfangadagskvöldi í 25 ár
/frimg/1/53/82/1538213.jpg)
„Hálendið eiga menn að skoða“
Strandveiðar í forgangi
Var að slitna frá bryggju sökum hvassviðris
Clinton fluttur á sjúkrahús
Hellisheiði og Þrengsli ekki opnuð í dag
Óveður heldur Holtavörðuheiði lokaðri