Kristján Þór Júlíusson, sjávarútvegs- og landbúnaðarráðherra, hefur skipað í samráðshóp um endurskoðun búvörusamninga, en hann leysti fyrri hóp upp í desember. Fækkar Kristján í hópnum frá því síðast, en núna eru átta fulltrúar í samráðshópnum í stað þrettán. Brynhildur Pétursdóttir frá Neytendasamtökunum og Haraldur Benediktsson, þingmaður Sjálfstæðisflokksins, eru formenn hópsins og fara sameiginlega með formennsku.

Fram kemur í tilkynningu frá ráðuneytinu að við afgreiðslu búvörusamninga árið 2016 hafi verið lagt upp með að skipa sjö manna samráðshóp, en að í tíð síðustu tveggja ríkisstjórna hafi fulltrúum verið fjölgað í 12 og 13. Segir ráðherra að vinna hópsins eigi að taka mið af þeim áherslum sem komi fram í stefnuyfirlýsingu ríkisstjórnarinnar og því hafi þótt rétt að endurskipa í hópinn.

Brynhildur Pétursdóttir er annar formaður nefndarinnar. Ljósmynd/Hordur Sveinsson

Þeir sem nú sitja í samráðshópnum eru:

•   Brynhildur Pétursdóttir, formaður (Neytendasamtökin)
•   Haraldur Benediktsson, formaður (skipaður af sjávarútvegs- og landbúnaðarráðherra)
•   Þórlindur Kjartansson (skipaður af sjávarútvegs- og landbúnaðarráðherra)
•   Hafdís Hanna Ægisdóttir (skipuð af umhverfis- og auðlindaráðherra)
•   Jóhanna Hreinsdóttir (Samtök afurðastöðva í mjólkuriðnaði)
•   Halldór Árnason (Samtök atvinnulífsins)
•   Sindri Sigurgeirsson (Bændasamtök Íslands)
•   Elín Heiða Valsdóttir (Bændasamtök Íslands)

Haraldur Benediktsson, þingmaður Sjálfstæðisflokksins er hinn formaður hópsins. mbl.is/Eggert Jóhannesson

Tengdar fréttir

Búvörusamningar

Arnar hættir sem formaður

• Segja búvörulög þurfa heppilegri farveg
• Verklagsreglur ekki verið settar
• Vilja koma á raunverulegu þjóðarsamtali
• Ekki fengið nein svör frá ráðherra

» Fleiri tengdar fréttir

• 2 blogg um fréttina

Bloggað um fréttina

• Jóhann Elíasson: EIGA ÞAU AÐ VINNA Í "STEREÓI"??????
• Jóhannes Ragnarsson: Misskildu nafn hópsins og réðust á nefndina