Varað við brennisteinsmengun

Lögreglan á Suðurlandi hvetur fólk í ferðaþjónustu, sem og einstaklinga í hálendisferðum, til þess að kynna sér mögulega hættu vegna íshellis í Blágnípujökli, suðvestur af Hofsjökli, sem verið hefur vinsæll á meðal ferðamanna á undanförnum vikum. Vísað er í því sambandi til brennisteinsmengunar en mælingar á henni voru gerðar 3. og 17. febrúar.

Frétt af mbl.is

Veðurstofan varar við íshelli

„Hellir þessi hefur ekki verið meðal fjölfarinna ferðamannastaða en nú er svo komið að nokkur fjöldi fólks fer þarna með vel búnum fjallabílum í viku hverri. Fréttir hafa sést í fjölmiðlum um alvarlegt atvik sem talið er tengjast menguninni. Utan hellisins var styrkur brennisteinsvetnis (H₂S) við 0 en eftir nokkurra mínútna göngu inn eftir hellisgólfinu var styrkurinn kominn yfir 20 ppm. Síðan fór hann hækkandi og á 2 mínútna tímabili mældust mjög há gildi, á bilinu 120-183 ppm. Við slíkan styrk brennisteinsvetnis er bráðahættuástand, lyktarskyn hverfur og erting öndunarfæra vex,“ segir í tilkynningu frá lögreglunni.

Lögreglan bendir á að ljóst sé að ef bjarga þurfi fólki við þessar aðstæður muni þurfa á sérhæfðum búnaði að halda fyrir þá sem vinna að björgun.

Ljósmynd/Kristinn Freyr Jörundsson

• Blogga um frétt