Um tíu sjálfboðaliðar frá Rauða krossinum, auk lækna og björgunarsveitarmanna frá Borgarnesi eru í fjöldahjálparmiðstöð sem komið hefur verið upp í Menntaskóla Borgarfjarðar í Borgarnesi. 26 ungmenni frá Frakklandi fá þar aðhlynningu en þau voru farþegar í rútu sem valt á Borgarfjarðarbraut á fimmta tímanum.

Frétt af mbl.is

Rúta með 26 unglingum valt á hliðina

Að sögn Kjartans Sigurjónssonar, formanns svæðisdeildar Rauða krossins í Borgarnesi, sem er í fjöldahjálparmiðstöðinni, eru börnin í góðu yfirlæti í menntaskólanum. Búið er að fara yfir þau, eitt og eitt. Einn var sendur á sjúkrahús, en ekki er vitað hve alvarleg meiðsli hans eru. Aðrir eru óhultir.

Börnin voru á leið til Þorlákshafnar þar sem til stóð að heimsækja vinabekk. Kjartan segir unnið að því að fá nýja rútu fyrir börnin, en að ekki hafi verið tekin ákvörðun um hvort þau snúi til Reykjavíkur eða haldi ferðinni áfram. Þangað til gæða þau sér á pítsum.

mbl.is/Theodór Kristinn

Tengdar fréttir

Óveður í febrúar 2018

Þúfan lokuð fram á vor

• Elliðaárdalur illfær vegna flóða
• Gjörónýtur stígur eftir vætutíð
• Mikið að gera á neyðarvaktinni
• Miklar seinkanir á flugi

» Fleiri tengdar fréttir

• Blogga um frétt