Leita enn töluvbúnaðarins sem var stolið
Setja bókamerki
Lögreglan á Suðurnesjum leitar enn verðmæts tækjabúnaðar sem var stolið úr gagnaveri Advania, Borealis Data Center og tveimur öðrum gagnaverum á Suðurnesjum. Greint var frá innbrotunum, sem áttu sér stað í desember og janúar, í síðustu viku.
Í tilkynningu frá lögreglunni segir að ekki hafi tekist að hafa upp á þýfinu og óskar lögreglan nú eftir aðstoð almennings og hvetur alla sem hafa orðið varir við eitthvað grunsamlegt að gera lögreglu viðvart. Rétt er að taka fram að búnaðurinn gæti verið í notkun hvar sem er á landinu. Sérstaklega er leitað eftir upplýsingum frá fyrirtækjum sem sjá um nethýsingu, rafverktökum og leigusölum húsnæðis eða gáma.
Upplýsingasími lögreglu er 444-2200 en einnig er hægt að koma upplýsingum til lögreglu á Messenger á Facebooksíðu lögreglunnar á Suðurnesjum.
Litlar líkur á að hraunið nái til mannvirkja
Börn hafi engan rétt á leikskólakennslu
Hraunið við bílastæði Bláa lónsins
Myndir: Grindavíkurvegur aftur undir hraun
/frimg/1/53/8/1530849.jpg)
Fatlaður drengur fær ekki þjónustu í verkfalli
Fullvissa ferðamenn um að hér sé öruggt
Hraunið náð Njarðvíkuræð: Fylgjast með raflínu