Form­legt vald til að segja upp kjarasamn­ing­un­um er í hönd­um átta manna samn­inga­nefnd­ar Alþýðusambands Íslands (ASÍ) sem skipuð er for­seta og for­mönn­um lands­sam­banda og stærstu aðild­ar­fé­laga. Samninganefndin kom saman í morgun og þar var tekin ákvörðun um að framselja umboð til ákvarðanatöku til formannafundar sem hófst klukkan 11. Það verður því formannafundarins að ákveða hvort kjarasamningum verður sagt upp eða ekki, og samninganefndin gerir þá ákvörðun að sinni.

Frétt af mbl.is

Dugar útspil ríkisstjórnarinnar?

Formannafundurinn fer fram á Hilton Nordica hótel og lok fundarins í dag mun fara fram leynileg, rafræn atkvæðagreiðsla þar sem 58 einstaklingar kjósa um niðurstöðuna. 44 félög eiga aðild að kjarasamningum, en innan sumra félaga eru verslunarmanna-, iðnaðarmannadeildir og fleira og forystumenn þar hafa einnig atkvæðisrétt, ásamt formanni Rafiðnaðarsambandsins og forseta ASÍ.

Um er að ræða tvöfalda atkvæðagreiðslu þar sem þarf bæði meirihluta atkvæða fundarmanna og meirihluta atkvæðavægis á bak við hvert og eitt félag. Þar hafa stærri félögin meira vægi ein þau minni, að sögn Snorra Más Skúlasonar, upplýsingafulltrúa ASÍ, en vægið er einfaldlega reiknað út frá fjölda félagsmanna í hverju félagi fyrir sig.

Hugsanlega meirihluti atkvæðavægis

„VR hefur til að mynda mikið vægi og Efling sömuleiðis, en Verkalýðsfélag Þórshafnar hefur mjög lítið vægi þar. Þetta er gert til að koma í veg fyrir að til dæmis VR og Efling gætu tvö ráðið niðurstöðunni og kemur líka í veg fyrir að 30 lítil félög geti ráðið niðurstöðunni. Þess vegna þarf meirihluta í hvoru tveggja. Allir eru hins vegar jafnir þegar verið er að telja hausana,“ segir Snorri og vísar þar til atkvæða fundarmanna.

Frétt af mbl.is

Efling kýs að segja upp samningum

Heimildir mbl.is herma að sé litið til atkvæðavægis sé hugsanlega meirihluti fyrir því að segja samningunum upp, en ekki sé endilega meirihluti formanna sömu skoðunar.

Fyrir fundinn höfðu formenn að minnsta kosti sjö aðildarfélaga gefið út að þeir myndu greiða atkvæði með uppsögn samninga, en ljóst er að mjög tvísýnt er um niðurstöðuna. Samkvæmt heimildum mbl.is var rafmagnað andrúmsloft á Hilton Nordica hótel við upphaf fundarins klukkan 11.

Komi ekki til hækkana lágmarkslauna

VR, Efling, Félag rafvirkja, Rafiðnaðarsambandið, Verkalýðsfélag Akraness, Stéttarfélagið Framsýn og Afl starfsgreinafélag höfðu fyrir fundinn lýst yfir vilja til að segja upp kjarasamningum.

Í ályktun sem samþykkt var á fundi stjórnar og trúnaðarráðs VR í gærkvöldi kom fram að forsendur kjarasamninga væru brostnar og bæri að öllu óbreyttu að segja þeim upp. „Aug­ljóst má vera að aðrir launa­hóp­ar hafa fengið launa­hækk­an­ir sem eru um­fram þær hækk­an­ir sem fé­lag­ar í VR hafa fengið á viðmiðun­ar­tíma­bili gild­andi kjara­samn­inga,“ seg­ir í álykt­un­inni.

Frétt af mbl.is

Telur eftirspurn eftir ró og yfirvegun

Halldór Benjamín Þorbergsson, framkvæmdastjóri Samtaka atvinnulífsins, ítrekaði hins vegar fyrri orð sín í morgun að enginn forsendubrestur hefði orðið og því væri ekki við neinu að bregðast af þeirra hálfu. Hann sagði aðalatriðið vera að ef samningum yrði sagt upp þá kæmu ekki til framkvæmda umsamdar launahækkanir upp á 3 prósent í maí og hækkun lágmarkslauna úr 280 þúsund í 300 þúsund.

„Ég met það sem svo að það sé ekki meiri­hluta­vilji í sam­fé­lag­inu fyr­ir því að láta þess­ar launa­hækk­an­ir falla niður og þeirri óvissu og því um­róti sem upp­sögn kjara­samn­inga veld­ur í sam­fé­lag­inu,“ sagði Halldór.

Tengdar fréttir

Kjaraviðræður

Vonir bundnar við morgundaginn

• „Ekki úr háum söðli að detta“
• Hjúkrunarfræðingar samþykkja samning
• Fundur hafinn hjá kennurum, ríki og sveitarfélögum
• Verkfalli lækna aflýst á síðustu stundu

» Fleiri tengdar fréttir

• Blogga um frétt