Gjaldtaka enn ekki hafin í Leifsstöð

Gjaldtaka á þeim rútum sem stöðva við Leifsstöð er enn ekki hafin. Þetta segir Guðjón Helgason upplýsingafulltrúi Isavia. „Það er eitthvað sem á að gerast í dag,“ segir Guðjón. „Það er enn ekki komin nákvæm tímasetning, því þetta er allt spurning um tækjabúnaðinn.“ 

Áður hefur verið greint frá því að Isavia hefji í dag að innheimta gjald af rútunum, þrátt fyrir beiðni Samtaka ferðaþjónustunnar um að beðið verði með gjaldtökuna þangað til Samkeppniseftirlitið hefur úrskurðað í málinu. 

Guðjón segir gjaldtökuna virka þannig að fyrirtækin séu búin að skrá þær rútur sem fara inn á svæði fyrirfram hjá Isavia. Síðan fer þetta allt í viðskiptareikning og svo er reikningur sendur í lok hvers mánaðar.“

Frétt af mbl.is

Gjaldtaka hefst á rútustæðunum í dag

Hann segir þær rútur sem þegar hafa stöðvað við Leifsstöð í dag því ekki verða rukkaðar. Gjaldtakan muni hefjast á einhverjum ákveðnum tímapunkti og muni miðast við þær rútur sem komi eftir þann tíma. 

Isa­via greindi frá því í vikubyrjun að bætt hafi verið við millistærðarflokki sem tek­ur til hóp­ferðabif­reiða sem taka 20-45 farþega. Innheimtar verði 7.900 kr. fyrir minni bíla og 19.900 kr. fyrir stærri bíla. Þá verði gjaldið lægra fyrstu sex mánuðina til að veita ferðaþjón­ustuaðilum mögu­leika að aðlaga sig að breyttu fyr­ir­komu­lagi.

Frétt af mbl.is

Isavia breytir gjaldskrá bílastæða fyrir hópbifreiðar

• Blogga um frétt