Samgöngu- og utanríkisráðuneytunum hefur ekki formlega verið gerð grein fyrir umsóknum flugrekenda um hergagnaflutninga undanfarin ár. Þetta kemur fram í tilkynningu frá Samgöngustofu. 

Annað mátti skilja á orðum Þórólfs Árnasonar, forstjóra Samgöngustofu, í viðtali sem hann veitti að loknum fundi ut­an­rík­is­nefndar og sam­göngu- og um­hverf­is­nefnd þar sem hann var gestur ásamt Sig­urði Inga Jó­hanns­syni sam­göngu- og sveita­stjórn­ar­ráðherra.

Á fundinum voru vopna­flutn­ingar Air Atlanta flug­fé­lags­ins ræddir. Þórólfur sagðist telja víst að ráðuneytunum hefði verið kunnugt um flutninga flugfélagsins Air Atlanta með hergögn.

Í tilkynningu frá Þórhildi Elínu Elínardóttur, samskiptastjóra Samgöngustofu, sem send var til fjölmiðla nú síðdegis segir að Þórólfur hafi of sterkt „að orði kveðið því hin síðustu ár hefur ráðuneytunum ekki verið gerð sérstök grein fyrir umsóknum einstakra flugrekenda með formlegum hætti.“

Tengdar fréttir

Vopnaflutningar

Ábyrgðin verði hjá utanríkisráðuneytinu

• Veittu 167 leyfi til hergagnaflutninga
• Óska eftir skýrslu um vopnaflutninga
• Vopnaflutningar fari til utanríkisráðuneytis
• Heimildir ekki veittar af núverandi stjórn

» Fleiri tengdar fréttir

• Blogga um frétt