Seinn í flug á 175 km hraða

Erlendur ferðamaður á leiðinni á Keflavíkurflugvöll var stöðvaður af lögreglu fyrir of hraðan akstur. Hann var tekinn á 175 kílómetra hraða á klukkustund. 

Samkvæmt upplýsingum frá lögreglunni á Suðurnesjum var erlendi ferðamaðurinn á leið í flug. Hann fékk sekt upp á 140 þúsund krónur en staðgreiddi og fékk því 20 þúsund króna afslátt. Ferðamaðurinn ók BMW-bílaleigubíl. 

Það sem af er degi hefur lögreglan á Suðurnesjum þurft að hafa afskipti af tíu ökumönnum, þar af átta fyrir hraðakstur og tveimur fyrir akstur undir áhrifum fíkniefna. 

• Blogga um frétt