Funda vegna mögulegrar kæru
Setja bókamerki
Gísli Tryggvason, lögfræðingur B-lista í stjórnarkjöri Eflingar-stéttarfélags, ætlar að funda með leiðtogum B-listans síðdegis í dag um hvort kæra verður lögð fram vegna kosningarinnar.
Gísli sendi formanni kjörstjórnar bréf með yfirlýsingu tveggja einstaklinga sem segja að kona sem starfar á skrifstofu Eflingar hafi hvatt konu sem er af erlendu bergi brotin til að kjósa A-listann er hún ætlaði að greiða utankjörfundaratkvæði.
„Áróður á kjörstað er auðvitað óheimill og getur haft áhrif á kosningar, samkvæmt almennum reglum og fordæmum,“ segir Gísli.
Magnús Norðdahl, formaður kjörstjórnar, sagði við mbl.is í morgun að kjörstjórn muni koma saman og taka ákvörðun í málinu ef henni berst kæra.
Gísli vonast til að kjörstjórn sýni frumkvæði í málinu og hefji á því rannsókn. „Ég er ekki viss um að það eigi að láta einstökum framboðum það eftir að móta stefnu í þessu máli.“
Myndskeið: Hátt í 140 lömb á tveimur sólarhringum
Kemur ekki til greina að semja við ESB
14 til 17 milljarða kr. tap vegna skerðinga
Þakklátur Kínverjum fyrir friðarumleitanir
Um 70 jarðskjálftar í kvikuganginum
Mennirnir í haldi lögreglunnar á Suðurnesjum
Húsnæðisstuðningur framlengdur til áramóta