Gísli Tryggvason, lögfræðilegur ráðgjafi B-lista í stjórnarkjöri Eflingar, sendi Magnúsi Norðdahl, formanni kjörstjórnar bréf með yfirlýsingu tveggja einstaklinga sem segja að kona sem starfar á skrifstofu Eflingar hafi hvatt konu sem er af erlendu bergi brotin til að kjósa A-lista er hún ætlaði að greiða utankjörfundaratkvæði.

Að sögn Magnúsar fylgdi engin kæra með bréfinu. Ef kæra berst síðar verður kjörstjórn kölluð saman og ákvörðun tekin í framhaldinu.

Greint var fyrst frá bréfinu á Vísi. 

Hann bætir við að eftirlitsmenn frá A- og B-lista hafi setið yfir kosningunni sem hófst í morgun á skrifstofu Eflingar í Reykjavík. Þeim stóð einnig til boða að sitja yfir allri utankjörfundaratkvæðagreiðslunni, sem stóð yfir í tvær vikur, en gerðu það ekki.

Í framboði eru A-listi stjórnar og trúnaðarráðs Eflingar og B-listi undir forystu Sólveigar Önnu Jónsdóttur. 

Ekki náðist í Gísla Tryggvason við vinnslu fréttarinnar.

Fyrir utan húsnæði Eflingar. mbl.is/Eggert

Tengdar fréttir

Stjórnarkjör í Eflingu

Sólveig tekin við formennsku í Eflingu

• Óskaði Sólveigu Önnu til hamingju
• Sólveig fundaði með félagsmönnum
• Skjálfti í hreyfingunni en varað við skotgröfum
• Umbrotin vegna lægstu hópa

» Fleiri tengdar fréttir

• Blogga um frétt