Óska umsagna um umskurðarfrumvarp
Setja bókamerki
Allsherjar- og menntamálanefnd Alþingis samþykkti á fundi sínum í morgun að senda umskurðarfrumvarp Silju Daggar Gunnarsdóttur, þingmanns Framsóknarflokksins, í umsagnarferli. Er nú unnið að því að setja saman lista yfir þær stofnanir og aðila sem nefndin mun óska eftir umsögn frá, en auk þess er öllum heimilt að senda nefndinni umsögn sína.
Páll Magnússon, formaður allsherjar- og menntamálanefndar, segir í samtali við mbl.is að þetta hafi verið í fyrsta skiptið sem frumvarp Silju kom til kasta nefndarinnar. Það bíði enn efnislegrar umræðu meðan beðið verði eftir umsögnum. Ítrekaði Páll að öllum væri frjálst að senda inn umsagnir.
Silja lagði fram, ásamt átta þingmönnum úr Framsóknarflokki, Vinstri grænum, Flokki fólksins og Pírötum, frumvarp sem bannar umskurð drengja. Frumvarpið hefur vakið sterk viðbrögð hér á landi og einnig út fyrir landsteinana.
„Börn heima sem maður myndi vilja hafa í skjóli“
Samfylking og Viðreisn gáfu loforð
Barn lést í árásinni
Forstjóri bendir á ábyrgð birgja vegna verðhækkana
Beint: Ný ríkisstjórn tekin við völdum
Hrikalegt að heyra fréttirnar
Ók á hóp fólks á jólamarkaði: Einn látinn
Víkingar komnir yfir 800 milljónir í greiðslur
