Tekið fyrir „eins fljótt og aðstæður leyfa“
Setja bókamerki
Vantrauststillaga sem þingmenn Pírata og Samfylkingar hafa lagt fram gegn Sigríði Á. Andersen dómsmálaráðherra verður tekin fyrir á þingi „eins fljótt og aðstæður leyfa“.
Það sagði Steingrímur J. Sigfússon, forseti Alþingis, við mbl.is. Tillagan var skráð rétt fyrir miðnætti í gærkvöldi og verður henni útbýtt við upphaf þingfundar í dag.
„Núna fer ég að heyra í aðilum og heyra óskir eða afstöðu flutningsmanna og stjórnarflokka og kanna hvenær menn geta farið í þetta,“ segir Steingrímur.
„Menn hafa yfirleitt farið í svona umræðu eins fljótt og aðstæður leyfa. Oftast hefur það verið einum til tveimur sólarhringum eftir að tillagan kemur fram.“
Stjórnarandstöðuflokkarnir fimm, Píratar, Samfylking, Miðflokkur, Viðreisn og Flokkur fólksins, funduðu um að leggja fram vantraust á dómsmálaráðherra í gær. Eins og áður sagði lögðu Píratar og Samfylkingin vantrauststillöguna fram.
Kæling hraunsins þykir skila góðum árangri
Gasmengun gæti borist yfir höfuðborgarsvæðið
Vegirnir voru eins og borðstofuborð
Verkfalli lækna aflýst á síðustu stundu
Ása Ellerup flutt út og ætlar að selja húsið
„Sá vegur er bæði háll og myrkur“
Þrír menn ruddust inn í íbúð í Vesturbænum