Um 341 milljón króna hefur verið úthlutað úr Húsafriðunarsjóði fyrir árið 2018, en alls voru veittir 215 styrkir. 252 aðilar sóttu um styrki.
Um 77 milljónum króna verður varið í verkefni tengd friðlýstum kirkjum, en hæsta styrkinn fékk Skálholtsdómkirkja, níu milljónir króna. Einnig fékk styrk Stóra-Núpskirkja, að því er fram kemur í Morgunblaðinu í dag.
Styrkir vegna friðlýstra húsa og mannvirkja námu um 74 milljónum króna, en hæstan styrk fékk Fakttorshúsið á Djúpavogi, tíu milljónir króna. Einnig fengu styrki gamli bærinn í Múlakoti, fimm milljónir króna. Kópavogshælið og Hljómskálinn í Reykjavík eru einnig meðal verkefna sem fengu styrk.