Lögreglunni á Suðurlandi barst á níunda tímanum í morgun tilkynning um að maður væri látinn í heimahúsi í Árnessýslu.

 Lögregla og sjúkralið fór þegar á vettvang og staðfestist þá það sem um var tilkynnt. Tilkynnandinn sjálfur, ásamt öðrum manni sem einnig var á vettvangi, eru nú í haldi lögreglunnar vegna rannsóknar málsins.

Tæknideild Lögreglunnar á höfuðborgarsvæðinu aðstoðar rannsóknardeild lögreglunnar á Suðurlandi við rannsókn málsins, segir í tilkynningu frá lögreglunni á Suðurlandi.

Í tilkynningunni kemur ennfremur fram að ekki sé unnt að veita frekari upplýsingar um málið að sinni.

Tengdar fréttir

Mannslát í uppsveitum Árnessýslu

Valur fer ekki fyrir Hæstarétt

• Ekki búnir að ákveða hvort þeir óski eftir áfrýjunarleyfi
• „Sigur fyrir sannleikann“
• Manndráp af ásetningi
• Landsréttur þyngir dóm yfir Val í 14 ár

» Fleiri tengdar fréttir

• Blogga um frétt