Engar ábendingar um tölvubúnaðinn
Setja bókamerki
Tengdar fréttir
Tölvum stolið úr gagnaverum
Engar gagnlegar ábendingar hafa komið fram varðandi tölvubúnað sem stolið var úr gagnaveri á Suðurnesjum fyrr á árinu, en eigendur búnaðarins hétu 6 milljónum íslenskra króna til þess sem gat veitt áreiðanlegar upplýsingar um hvar búnaðinn væri að finna. Framlengdur frestur til að koma með ábendingu rennur út í dag, 2. maí. Lögregla er því engu nær hvar búnaðinn er að finna.
Samkvæmt frétt RÚV hefur lögreglan á Suðurnesjum, með aðstoð Ríkislögreglustjóra, hins vegar sent fyrirspurn til kínverskra lögregluyfirvalda um 600 tölvur, sérhannaðar til að framleiða Bitcoin rafmynt, sem lagt var hald á þar í landi í síðustu viku. Er um að ræða jafnmargar tölvur og var stolið úr þremur gagnverum hér á landi í desember og janúar, þar á meðal úr gagnaveri á Suðurnesjum.
Fram kemur í frétt RÚV að séu þetta sömu tölvur ætti að vera hægt að greina það á, meðal annars á raðnúmerum.
Um miðjan apríl höfðu borist á þriðja tug ábendinga um tölvubúnaðinn, en engin þeirra leiddi til þess að að búnaðurinn fannst. Var þá ákveðið að framlengja frest til að koma með ábendingar til dagsins í dag.
Sindri Þór Stefánsson, sem strauk úr fangelsinu á Sogni fyrir tveimur vikum og situr nú í fangelsi í Hollandi, sætti gæsluvarðhaldi vegna gruns um aðildar að málinu. Hann bíður nú eftir því að vera framseldur til Íslands.
Tengdar fréttir
Tölvum stolið úr gagnaverum
Vika í kosningar: Þetta segja kannanir
Hulda saksóknari: „Tökum þetta ekki til greina“
Pútín reynir allt til að forðast aðra herkvaðningu
Gasmengun gæti borist yfir höfuðborgarsvæðið
Dregið úr gosóróa
Flestir sem hvergi finnast koma frá Sómalíu
Reiðubúin að aflýsa verkföllum í fjórum leikskólum