Framboð Eyþórs kostaði rúmar 4,9 milljónir
Setja bókamerki
Framboð Eyþórs Laxdal Arnalds í leiðtogaprófkjöri Sjálfstæðisflokksins kostaði samtals rúmlega 4,9 milljónir króna. Fjárframlög til framboðsins námu tæpum 3,4 milljónum, þar af voru eigin framlög Eyþórs 1 milljón króna. Ógreiddur kostnaður við framboðið er tæpar 1,6 milljónir.
Þetta kemur fram í útdrætti á uppgjöri vegna þátttöku frambjóðenda í flokksvali Sjálfstæðisflokksins árið 2018 sem ríkisendurskoðun hefur birt á heimasíðu sinni.
Bein framlög frá einstaklingum undir 200 þúsund krónum voru samtals 880 þúsund krónur, en 31 einstaklingur lagði fé til framboðsins.
Þá fékk framboðið fjárframlög frá átta lögaðilum, samtals 1,5 milljónir króna. Hæsta einstaka framlagið kom frá Brekkuhúsum ehf. og var 300 þúsund krónur.
Leiðtogaprófkjör Sjálfstæðisflokksins fór fram þann 27. janúar síðastliðinn og var Eyþór sigurvegari þess.
Litlar líkur á að hraunið nái til mannvirkja
Hótar Bretum og Bandaríkjamönnum
Drónamyndskeið frá hápunkti gossins í nótt
Hraun kemur úr þremur gígum: Virknin stöðug
Hópur fólks reyndi að komast að eldgosinu
Nýtt fangelsi í landi Stóra-Hrauns tilbúið 2028
Viðræður ekkert þokast frá því á þriðjudag