Úrskurðarnefnd umhverfis-og auðlindamála hefur staðfest niðurstöðu umhverfisstofnunar um að leyfa ekki siglingar með ferðamenn á Mývatni. Rökstuðningur nefndarinnar byggir á mati hennar að Mývatn sé viðkvæmt verndarsvæði, en það hefur tekið 2 ár að komast að þeirri niðurstöðu.

Upphaflega höfðu bændurnir Helgi Héðinsson og Héðinn Sverrisson á Geiteyjarströnd sótt um heimild til umhverfisstofnunar um tilraunasiglingar með ferðamenn á Mývatni til fimm ára. Helgi, sem meðal annars rekur Hótel Dimmuborgir, sagði í samtali við Morgunblaðið árið 2016 að til stæði að nota 20 manna rafmagnsknúinn trébát.

Frétt af mbl.is

Ekki siglt með gesti á Mývatni

Þessari umsókn var hafnað af umhverfisstofnun 18. maí 2016, megin ástæða þess var sögð að starfsemin gæti haft neikvæð áhrif fuglalíf. Bændurnir kærðu niðurstöðuna til úrskurðarnefndar umhverfis- og auðlindamála 16. júní sama ár. Grundvöllur kærunnar var meðal annars að þeir töldu að verið væri að skerða eignarrétt þeirra og að fordæmi væru fyrir siglingum á Mývatni í atvinnuskyni.

Úrskurðarnefndin hafnaði kærunni meðal annars á þeim forsendum að Mývatn sé viðkvæmt verndarsvæði og að fordæmin sem kærendur vísuðu til voru komin til ára sinna. Nefndin úrskurðaði um málið á fundi sínum 15. maí síðastliðinn sem þýðir að það hefur tekið hátt í 2 ár að komast að niðurstöðu í því.

Frétt af mbl.is

„Við erum algjört öfgadæmi“

Tengdar fréttir

Mývatn

Ræða hvort ríkið komið að fráveitumálum við Mývatn

• Ný matsskylduákvörðun í lok sumars
• Óvissa eftir úrskurð „afar óþægileg“
• Reksturinn ekki í uppnámi
• Ákvörðun Skipulagsstofnunar ógild

» Fleiri tengdar fréttir

• Blogga um frétt