Innlent | mbl | 22.5.2018 | 16:15 | Uppfært 23.5.2018 11:18

25 sóttu um embætti forstjóra

Umferð um Vesturlandsveg. mbl.is/Ómar

Alls sóttu 25 um embætti forstjóra Vegagerðarinnar. Samgöngu- og sveitarstjórnarráðherra skipar í embættið til fimm ára og er miðað við að skipunin taki gildi 1. júlí.

Þriggja manna nefnd hefur verið skipuð til að meta hæfni umsækjenda, að því er segir í tilkynningu frá samgöngu- og sveitarstjórnarráðuneytinu.

Nefndin starfar í samræmi við lög um réttindi og skyldur starfsmanna ríkisins og hefur til hliðsjónar reglur um ráðgefandi nefndir sem meta hæfni umsækjenda um embætti við Stjórnarráð Íslands.

Í henni eiga sæti þau Ari Kristinn Jónsson, rektor Háskólans í Reykjavík, Aðalsteinn Ingólfsson, forstjóri Skinneyjar-Þinganess, og Guðný Elísabet Ingadóttir, mannauðsstjóri samgöngu- og sveitarstjórnarráðuneytisins.

Hreinn Haraldsson hefur starfað sem vegamálastjóri frá árinu 2009 þegar Kristján L. Möller, þáverandi samgönguráðherra, skipaði hann í embættið.

Umsækjendurnir:

Ásrún Rudolfsdóttir forstöðumaður

Bergþóra Þorkelsdóttir, fyrrv. forstjóri

Bjarki Einarsson sjómaður

Bjarni Óskar Halldórsson, sjálfstætt starfandi ráðgjafi

Einar Pálsson kennari

Einar Pálsson forstöðumaður

Guðmundur Valur Guðmundsson forstöðumaður

Hannes Alfreð Hannesson, fyrrv. framkvæmdastjóri

Ingunn Loftsdóttir verkefnastjóri

Kristín Einarsdóttir sviðsstjóri

Kristín Linda Árnadóttir forstjóri

Lilja Guðríður Karlsdóttir framkvæmdastjóri

Magnús Rannver Rafnsson lektor

Magnús Valur Jóhannsson framkvæmdastjóri

Ottó Valur Winther sérfræðingur

Ólafur Kristinn Guðmundsson tæknistjóri

Ólöf Kristjánsdóttir fagstjóri

Óskar Örn Jónsson forstöðumaður

Ragnheiður I. Þórarinsdóttir forstöðumaður

Róbert Ragnarsson, sjálfstætt starfandi ráðgjafi

Runólfur Ágústsson framkvæmdastjóri

Sesselja Traustadóttir framkvæmdastýra

Sigurður Áss Grétarsson framkvæmdastjóri

Steindór Steindórsson þjónustufulltrúi

Þorsteinn Egilsson svæðisstjóri

Uppfært 23.5: Samgöngu- og sveitarstjórnarráðuneytið leiðrétti tilkynningu sína í dag, en í upphaflegri tilkynningu vantaði nafn Einars Pálssonar forstöðumanns. Hefur fréttinni verið breytt í samræmi við það.