Bæjarfulltrúinn ósammála Þjóðskrá
Setja bókamerki
Einar Birkir Einarsson, bæjarfulltrúi í Hafnarfirði, segist í samtali við mbl.is ósammála Þjóðskrá Íslands um hvar réttmætt lögheimili hans er. Stofnunin úrskurðaði á dögunum að lögmætt lögheimili Einars Birkis væri í Kópavogi, ekki í Hafnarfirði.
Hann segir að hann hafi ekki kynnt sér hvort hann hafi andmælarétt í málinu eða hver næstu skref verða. Enn fremur segist Einar Birkir ekki vita á hvaða grundvelli Þjóðskrá byggir sína ákvörðun þar sem hann hafi ekki fengið aðra orðsendingu en stutta tilkynningu frá stofnuninni.
Í kjölfar úrskurðar Þjóðskrár tilkynnti Einar Birkir forseta bæjarstjórnar Hafnarfjarðar í gær að hann hygðist ekki sitja bæjarstjórnarfund vegna stöðu mála. Þjóðskrá Íslands telur að hann hafi fasta búsetu í Kópavogi og að rétt lögheimili hans sé þar.
Barn lést í árásinni
Beint: Ný ríkisstjórn tekin við völdum
Fyrsti blaðamannafundurinn í heild sinni
Skattamál verði líklega „þeirra mesta klemma“
Bjarni: „Útilokað að þetta geti gengið upp“
Stormur á Þorláksmessu en víðast hvar stefnir í hvít jól
