Þyrla Landhelgisgæslunnar var kölluð út nú síðdegis vegna eldri konu sem slasaðist eftir fall á göngustíg við Gullfoss. Konunni skrikaði fótur á klöppunum við fossinn og féll hún á höfuðið, að því er mbl.is hefur eftir sjónarvotti, sem sagði hana vera alvarlega slasaða.
Sveinn Kristján Rúnarsson, yfirlögregluþjónn á Suðurlandi, staðfesti í samtali við mbl.is að þyrlan hefði verið kölluð út og staðfesti Landhelgisgæslan skömmu fyrir fimm að þyrlan væri lent við Landspítalann.
Fréttin hefur verið uppfærð.