Samkomulagi um þinglok náð
Samkomulag náðist um þinglok á Alþingi í kvöld. Þingfundur stendur hins vegar enn yfir.
mbl.is/Eggert Jóhannesson
Setja bókamerki
Formenn stjórnmálaflokka sem eiga sæti á Alþingi náðu samkomulagi rétt fyrir miðnætti um þinglok. Frá þessu er greint í miðnæturfréttum RÚV. Ekki er ljóst hvenær þingstörfum lýkur nákvæmlega. Formenn flokkanna komu saman klukkan tíu í kvöld til að ræða þinglok.
Katrín Jakobsdóttir forsætisráðherra staðfesti við fjölmiðla í gær að hún teldi rétt að leggja til óbreytt veiðigjöld, en jafnframt að það væri gegn því að sátt næðist í öðrum atriðum er varða þinghald. Svo virðist sem tekist hafi að semja um þau atriði í kvöld.
Þingfundur hefur staðið yfir á Alþingi frá því klukkan hálfellefu í morgun og stendur enn yfir þar sem umræða um fjármálaáætlun 2019-2023 fer fram.
Lát hjóna í Neskaupstað: Ákæra gefin út
„Börn heima sem maður myndi vilja hafa í skjóli“
„Þetta er ríkisstjórn almannahagsmuna“
Alvarleg netárás á Wise
Skattamál verði líklega „þeirra mesta klemma“
„Mér finnst gamla Samfylkingin komin aftur“
Var engin kristnitaka árið 1000?
