Sérsveitin kölluð út í Stigahlíð
Setja bókamerki
Sérsveit lögreglunnar var kölluð út í Stigahlíð í Reykjavík í gærkvöldi. Þetta staðfestir lögreglan á höfuðborgarsvæðinu, en að sögn sjónarvotta voru á staðnum þrír sérsveitarbílar með átta fullbúnum sérsveitarmönnum auk almennra lögreglubíla og lögreglumanna.
Íbúar í götunni sem höfðu samband við mbl.is vegna málsins, segja að sérsveitarmenn hafi farið inn í hús í götunni rétt fyrir klukkan 22 og að að minnsta kosti einn hafi verið handtekinn í hverfinu. Að sögn sjónarvotta hafði sá handtekni verið með stórt eggvopn innanklæða.
Að sögn nágranna er í húsinu sem lögregla fór inn í starfrækt gistiheimili fyrir erlenda ríkisborgara sem óska eftir alþjóðlegri vernd á Íslandi.
Mbl.is greindi gærkvöldi frá aðgerðum sérsveitar í Engihjalla í Kópavogi þar sem maður ógnaði nágrönnum sínum með hníf. Þá hafði lögregla afskipti af mönnum sem lent höfðu í slagsmálum í miðborg Reykjavíkur í nótt. Einn mannanna reyndist hafa tvo ólöglega hnífa í fórum sínum og voru þeir haldlagðir af lögreglu.
Ríkisstjórnin ekki beint á leiðinni í jólafrí
Segir umsókn að ESB vera óvirka
„Á allt sitt undir því að njóta trausts almennings“
Í þögn hjartans
Máttu ekki auglýsa „mesta úrvalið“ og „besta verðið“
Strandveiðar „efnahagsleg sóun“
Óveður heldur Holtavörðuheiði lokaðri
Feðgar saman í Grænlandstúr á jólum