Tjónið að Núpum mikið
Setja bókamerki
Oddur Árnason, yfirlögregluþjónn hjá lögreglunni á Suðurlandi segir rannsókn á brunanum í fiskeldi Samherja við Núpa í Ölfusi komna af stað og Mannvirkjastofnun og tæknideild lögreglunnar á höfuðborgarsvæðinu eru komin á vettvang. Slökkvistarf gekk vel en ljóst er að tjón er mikið, að því er fram kemur í tilkynningu frá lögreglunni.
Lögregla hefur staðið vakt við húsið frá því eldurinn var slökktur, en Oddur segir að rekstraraðili fiskeldisins hafi fengið leyfi til að fara inn í húsið til að reyna að bjarga fiski.
Aðspurður segir Oddur rannsóknina of skammt á veg komna til að hægt sé að fullyrða um upptök eldsins en ekki sé grunur um refsiverða háttsemi. Hann á von á að rannsakendur verði á vettvangi fram eftir degi. „Þeir verða örugglega eitthvað að gramsa frameftir. Oft taka menn með sér muni sem þeir þurfa síðan að skoða á rannsóknarstofu,“ segir Oddur.
Enginn var á staðnum þegar slökkviliðið var kallað á vettvang um klukkan hálfeitt í nótt en nágranni hússins hafði orðið eldsins var og tilkynnt hann til Neyðarlínu.
Vegirnir voru eins og borðstofuborð
Pútín reynir allt til að forðast aðra herkvaðningu
Hótar Bretum og Bandaríkjamönnum
Viðræður ekkert þokast frá því á þriðjudag
Hraun kemur úr þremur gígum: Virknin stöðug
Vika í kosningar: Þetta segja kannanir
Ekki vandamál að vera karlmaður