Ferðirnar selja sig nánast sjálfar

Lítið hefur reynt á hefðbundið markaðs- og sölustarf við að selja ferðir til sólarlanda undanfarnar vikur.

Segja má að þær selji sig sjálfar. Þetta segja eigendur nokkurra ferðaskrifstofa.

Þórunn Reynisdóttir, forstjóri Úrvals-Útsýnar, segir að fólk, sem ekki hafi ætlað sér að fara til útlanda í sumar sé nú að taka ákvörðun um utanlandsferð með stuttum fyrirvara. „Það eru alltaf leiðir til þess að koma landanum í sól,“ segir Þórunn í umfjöllun um mál þetta í Morgunblaðinu í dag.